तेरा जोबन ठाठे मारै सै
तर्ज पंजाबी गीत- तेरा कोका होक्के देंदा ए तू हाणी चावे। आंख्यां देखण नै, तरस गई, यें बिन बदली के बरस गई, 2 भित्तर जणों चरस गई, इब डटया ना जावै, तेरा जोबन ठाठे मारै सै, यो बनड़ा थ्यावै, तेरा जोबन ठाठे मारै सै, यो बनड़ा थ्यावै। रब नै मैदा फेर दिया सै, तेरे पै, लाल कंदूरी बणगी सूथरे, चेरे पै, गोरा तन इब काला जम्फर, तनै भावै, तेरा जोबन ठाठे मारै सै,यो बनड़ा थ्यावै। साढ़सति सी चड़गी इबकै, मंगल म्हं, कोयल कुक्कै फिरै भटकती, जंगल म्हं, सामण का रमजोला बेरण, इबके आवै, तेरा जोबन ठाठे मारै सै, यो बनड़ा थ्यावै। कड़ै गया सै नखरो पैला, प्यार तेरा, नफे सिंह गगंनपुर वाला, यार तेरा, बिन टिम्मी के कोय पटाका बजना पावै, तेरा जोबन ठाठे मारै सै, यो बनड़ा थ्यावै। **** नाम- नफे सिंह कादयान, पता:- गांव- गगनपुर, जिला-अम्बाला, डाकघर- बराड़ा-133201 (हरि.) mob.9991809577 Email-nkadhian@gmail. com,
टिप्पणियाँ
एक टिप्पणी भेजें